الكاتبة مريم القواص تكتب... رتابة أحرف
فشة خلق بالعامية
بيوم فقت الصبح ما كنت منيحة حسيت بوجع بقلبي بس انا ما فيني شي
أول مرة بحس بهيك شعور ، كان كتير تاعبني
حاولت أتجاهل هالشي وأسمع أغاني كمان طلعت غناي حزينة اختنقت أكتر
كان صباحي معكر نطرت للوقت لي بتفتح فيه نت وبتكون نشطة ع المسنجر ...
بعتلك بوقتها بعكس العادة كنت كل صبح لاقي رسايل كتيرة منك عشان ترسم الضحكة ع وشي
زعلت شوي وقلت لحالي بكون تعبان
مرت اول ساعة وما فتحت نت
خفت كتير ، حسيت الدم تجمد بعروقي
حاولت حاكيك إتصال كان خطك مقفل
تأكدت احساسي ما اجا ما اللاشي
فتحت ع حساب رفقاتك لشوف الفاجعة لي يتمت قلبي وحرقت دموعي
كانت صورتك معباي الفيس ما صدقت الشي لي عم شوفو
صرت اضحك ودموعي متل الشلال هني كذابين المسا حكينا إتصال بس كان كتيرر حنون وعم يوصيني
لك ليش
لي تركتني ورحت
صرت اصرخ وكسر كلشي بجي قدامي
تعبت وغفيت ع صورتك
رحت ع قبرك بعد مادفنوك حسيتك معي كان الجو بارد بس كان قلبي أبرد من هالجو انكسر بغيابك
صرت حاكيك وعاتبك غفيت ع قبرك بعد ساعات من الحكي شفت حالي بجنة معك وعم أركض وانت ماسك إيدي والعصافير حولينا كنا متل الأمير والأميرة
حضنتني وصرت تلف الدنيا فيي كنت كتير مبسوطة
فجأة بصحى ع قطرات المطر لي بللت شعري وجسمي وأختفيت أنت
زاد البكي وزاد صريخي وانا صرخ باسمك بس ما رجعت
وعيت وقتا اني فقدتك للأبد
حملت أطرافي المكسورة وجريت قلبي المجروح معي ومشيت
فتت ع غرفتي وفتحت موبايل ع محادثاتنا
كنت نكد عليك وازعل وكنت أحن علي من حالي
كنت الأب والأخ والأخت والأم
هلق صرت يتيمة مالي حدا وحيدة من وقت رحت فتحت ع آخر محادثة إلنا كيف كانت كلها ضحك مليانة حنان خسرتك وخسرت الحياة معك
بعد مدة من وفاتك اجت اختك وقالتلي هي أمانة أخي إلك ما قدرت انساك ولا اتناساك كنت عايش بقلبي وروحي وتفاصيل حياتي
كان في ورقة ودبلة بقلبا
دموعي لحالن نزلو ما بتتخيل شقد كنت متمناي هاليوم بس انت مو معي دايما القدر ضدي
راحت اختك وضليت مع الورقة والدبلة لحالنا
بلشت اقرأ وقلبي عم يتقطع
حبيبتي
آسف لقد خانتني أيامي وكذبتني عهودي
أشعر أن الموت في هذه الليلة يقترب مني
لم أشعرك بذلك في مكالمتنا
كنت أئن وأتأوه كيف سأتركك
ولكن هذه محكمة القدر حالت بيني وبينك بحكم الموت
اذكر أنني وعدتك بالخطوبة وهاهو خاتمك
سامحيني يا قلبي وقبلتي وعشقي ومعشوقتي
مجنونك ....
مابعرف شو صار وقتا كانت الصدمة غالبة علي
يومين وانا بتختي ما عم اشرب الا مي
وجهي تعب ونحفت كتير
بصباح اليوم التالت سمعت صوتك عم تنادي باسمي وعم تضحك
فتحت عيوني كنت متل الملاك وعم تلعب بخصل شعري
كنت كتير مبسوطة جبت الدبلة ولبستني ياها واختفيت
من وقتا حرمت ع قلبي الحب وراح مفتاح القلب معك وعاهدت حالي هالدبلة ما تنشال من أصبعي الا وقت موت
وعشت مع ذكرياتك ودبلتك كل حياتي لانو كان عندي إيمان حنلتقى بالفردوس الأعلى
مريم محمد القواص
سوريا_حمص
تعليقات
إرسال تعليق